Այսօր քոլեջում աշխատանքային եռուզեռ է: Օրը ոչ աշխատանքային է, բայց շատերը եկել են իրականացնելու մի շարք նախագծային աշխատանքներ: Սովորականի նման աշխատանքները սկսվեցին ժամը 09.00-ին: Իրականացվեցին «Կանաչ պատ», «Բանգլադեշ առանց ցանկապատի», «Լանջերի ստեղծում», «Ծաղիկների կախովի այգի», «Ծաղկային օազիսներ» նախագծերը: Քոլոջի մի խումբ ուսանողներ ներքին այգուց 3 մեծ տույայի թուփ տեղափոխեցին իրենից վտանգ ներկայացնող դրսի պատը կանաչ ցանկապատի վերածելու համար: Տնկեցին վայրի խաղողի թփեր՝քոլեջի աջ մասի անշուք պատերը ծածկելու համար: Բույսերով համալրվեցին ծաղկային օազիսները և ավելացվեցին ծաղկային կախովի այգու բույսերի քանակը: Բոլորը խնամքով ջրվեցին: Ջրվեցին նաև կանաչ լանջերը և կատարվեցին աշխատանքներ նոր լանջեր ստանալու համար: Ամենաուշագրավը անմոռուկների թփերն էին, որոնք հիշեցնում են այսօրվա խորհուրդը`ապրիլի 24-ը: Հիշեցնեմ, որ անմոռուկները ցանել էինք ինքներս ջերմոց-լաբորատորիայում՝ հետագայում տեղափոխելով այգի, որտեղ իրենք իրենց ավելի լավ են զգում:
Տեսանյութը պատրաստեց` Անուշ Նիկողոսյանը
Լուսանկարները` Շողիկ Պողոսյանը