Այս շաբաթ դեմ առ դեմ հետաքրքիր և արդյունավետ քննարկումներ կայացան քոլեջի ջերմոց- լաբորատորիայում: Տիարն ուրախ էր ավագ դպրոցի սովորող Անուշ Նիկողոսյանի շաբաթօրյա աշխատանքային գործունեությունից, որն ի դեպ կիրակի ևս ունի իր տրամաբանական շարունակությունը: Կատարվում են թարգմանություններ, հետազոտություններ, ստեղծվում են տեսանյութեր: Տիար Բլեյանը ուղորդելով Անուշիկին՝ խորհուրդ տվեց հանդես գալ թե՛ դիջիթեքյան, թե՛բնագիտա-տեխնիկական ստուգատեսներին: Հատկապես ուշադրություն գրավեց հիդրոպոնիկայի օրինակ ծառայող ակվարիումային սարքը, որտեղ փորձեր են կատարվում ելակի, դեկորատիվ պղպեղի, դեկորատիվ կաղամբի աճեցման և էխեվերիա բույսի տերևներից(առանց ջրի հետ հպման՝ բարձր պահելով ջրից) բազմացում իրականացնելը: Մինչ այս փորձերը, կամա թե՛ ակամա նմանատիպ աշխատանքներ կատարվել են՝ լաբորատոր փորձանոթների, բաժակների, շշերի մեջ բույսեր արմատակալեցնելով և դրանք երկար ժամանակ այդ միջավայրում պահելով: Խոստացանք ավելի խորը ուսումնասիրել և հաջողված փորձը փոխանակել կրթահամալիրի մյուս դպրոցների ջերմոց- լաբորատորիաներում: Շատ արդյունավետ անցավ սուրճի սեղանի շուրջ առանց շտապելու քննարկման նման ձևաչափը: Տիարը խոստացավ այն բոլոր հնարավոր աջակցությունները, որոնք կօգնեն նախաձեռնված նախագծերի հաջող իրականացման համար:Մոռացա ասել, որ իմ առաջարկած տարածքը մաքրելու և տրամադրելու, «Տաքուկ, արևոտ անկյուն՝ սածիլներ ստանալու համար» նախագիծը սկսելու համար տրվեց հրահանգ շատ արագ, ամենաուշը երկուշաբթի-երեքշաբթի օրերին մաքրել կառույցը շին աղբից և օգնել սածիլների համար ջերմոց ստեղծել:
Դիտեք մի փոքրիկ ֆիլմ՝ Ֆոտոխցիկով ֆիկսված պահեր