Արդեն տասնյակ տարի կլինի, ինչ ջերմոց-լաբորատորիայում աճեցնում ու բազմացնում ենք հալվեի տարբեր տեսակներ: Այս հանգամանքն ստիպեց մտածել իրացման մասին՝ օճառի պատրաստումն ամենալավ տարբերակն է: Ուսումնասիրվեց պատրաստման տեխնոլոգիան: Պարզվեց, որ հնարավոր է պատրաստել: Տաթևի հուշումով կհամագործակցվի Նելլի Գեղամյանի և Քոլեջի ուսանողների հետ: Կարելի է հավելել լավանդայի բուրմունքով և կստացվի յուրահատուկ համադրություն՝ օգտակարը հաճելիի հետ:
Նախագիծ1.
Հալվեի աճեցում և բազմացում
Նպատակ
1. Հալվեների տեսակների ուսումնասիրում
2. Օճառ ստանալու համար հալվեի անհրաժեշտ տեսակի բազմացման ավելացում:
3. Հալվեի օգտակար և բուժիչ հատկությունների մասին տեղեկությունների հավաքագրում
Մասնակիցներ.
Քոլեջի ուսանողներ, ցանկության դեպքում կարող են մասնակցել միջին և ավագ դպրոցի սովորողներ:
Մասնակցությունը փոքր խմբերով, դասավանդող ուսուցչի հետ միասին:
Արդյունք
Արդյունքում կձևավորվի հալվե բույսի բազմացման, խնամքի առանձնահատկությունների տեխնոլոգիական հմտություններ և կարողություններ ձեռք բերած, բույսի օգտակար և բուժիչ հատկություններին ծանոթ սովորող:
Լաբորատորիայի հալվեները կօգտագործվեն արդյունավետ՝ հաշվի առնելով նրանց լավագույն հատկանիշները:
Կստեղծվի էկոլոգիապես մաքուր և օգտակար արտադրանք
Նախագիծ 2.
Հալվեից օճառի պատրաստում
Նպատակ
- Օճառի ստեղծման համար նախապատրաստման տարբեր տեխնոլոգիաների բազմակողմանի ուսումնասիրություն
- Բուսաբուծության լաբորատորիայում քանակապես շատ հալվե բույսերի արդյունավետ օգտագործում
- Օճառի պատրաստման հնարավոր կիրառելի եղանակների առանձնացում
- Փորձարկումների հիման վրա ամենաօպտիմալ եղանակի առանձնացում
- Սեփական ձեռքերով ինչ որ բան ստեղծելու և այն վերջնական տեսքի և արդյունքի հասցնելու կարողության ձեռք բերում (օճառի ստացում, գեղեցիկ դիզայն, փաթեթավորում)
Արդյունք
Ալոե դեղաբույսի արդյունավետ օգտագործում՝՝ այն վերածած օճառի, որը կարող է լինել նաև հեղուկ վիճակում
Բանիմաց, նախաձեռնող, պրպտող, ստեղծագործող անհատ
Սեփական ձեռքերով՝ նպատակասլաց, քայլ առ քայլ առաջ գնացող, համբերատար սովորողի կերպար (ալոեի աճեցումից մինչև արտադրանքի տեսքով փաթեթավորած օճառ)
Կից օճառի պատրաստման համար անհրաժեշտ նյութեր և դրանց նշանակությունը
- Օճառի հիմքի պատրաստում: Պատրաստի հիմքը կարելի է գնել մասնագիտական խանութներից: Այն ունի կիսաթափանցիկ կամ սպիտակ գույն: Եթե օճառը պատրաստվում է զրոյից, քիմիական բաղադրիչները ձեռք են բերվում առանձին և զուգակցվում բաղադրատոմսին համապատասխան քանակով:
- Հիմքին բազային յուղեր ավելացնելը: Յուրաքանչյուր յուղ կարող է ունենալ իր յուրահատուկ հատկությունը: Այն ընտրվում է ինքնուրույն ՝ հաշվի առնելով օճառի օգտագործման սպասվող ազդեցությունը: Յուղը կարող է լինել կոկոս, ձիթապտուղ, դեղձ, ծիրան:
- Եթերայուղերով հարստացում: Դրա հավելումն օճառին տալիս է յուրահատուկ բույր և հարստացնում է այն օգտակար նյութերով: Եթերայուղի փոխարեն կարող եք ավելացնել բույրեր կամ օծանելիք:
- Ներկանյութերի ավելացում: Կարող եք օգտագործել հատուկ կամ սննդի գույներ: Բնականության համար կարող եք օճառը ներկել սուրճով, կակաոյով կամ հյութով:
- Լցոնիչների օգտագործումը: Օճառին ավելացրեք լրացուցիչ կոսմետիկ հատկություններ: Որպես լիցքավորող նյութեր, կարող եք օգտագործել վարսակի ալյուր, մեղր, չոր խոտաբույսեր և ծաղիկներ, սուրճ, ընկույզի կճեպներ:
- Ավարտված կազմը լցվում է կաղապարների մեջ: Դրանք կարող են լինել պլաստմասե բաժակներ, կերամիկական ամաններ, օճառի հատուկ ձուլվածքներ:
Գարդենիա 