Պարտեզապուրակային գորրծ մասնագիտության ուսանող Սուսաննա Հայրապետյանի հերթական նյութը.
Դպրոց այցելած սովորողների հետ իրականացրինք «Ապաստարան բույսերին» նախագիծը։
Բակում կային մանուշակ և խորդենի։Հողից հանեցինք, ներս տարանք, վերատնկեցինք՝ պաշտպանելով և փրկելով բույսերը ցրտից։
Պարտիզապուրակայինի ուսանող Սուսաննա Հայրապետյանը ներկայացնում է.
Այսօր տիկին Շողիկի և մյուս ուսանողների հետ իրականացրինք ապաստարան բույսերին նախագիծը, որի նպատակը ցրտից բույսերին պաշտպանելն է։
Քոլեջի բակից հանեցինք էխինացիա և ծաղկած բալզամին ծաղիկները։ Ներս տանելով տնկեցինք, ջրեցինք։ Ձմռան ընթացքում կտեսնենք, թե ի՞նչ տեղի կունենա այդ բույսերի հետ։Այսօր ես փորձ ձեռք բերեցի՝ ինչպե՞ս վերատնկել բույսերը, մեր դպրոցում նույնպես իրականացնելու եմ այս նախագիծը։
Կարևոր է իմանալ, որ բալզամինը պետք է ջրել հաճախակի, բայց նաև չափավոր։Քանի որ շատ ջրելուց հնարավոր է ծաղիկը քայքայվի։
Էխինացիա- էխինացիայի ցողունի բարձրությունը հասնում է մեկուկես մետրի: Արմատները ճյուղավորվում են հողում 25 սմ թափանցող խորությամբ: Բույսի տերևները լայնաշերտ են, հավաքված են վարդագույնով, բազալային են երկար պեդիոլների վրա, իսկ ցողունի տերևները կարճ են: Այն ծաղկում է ամբողջ ամառ, հաճելի է աչքին իր պայծառ ծաղիկներով: Էխինացիան աճում է բաց գետնին ծաղկե մահճակալներում: Բույսերը տնկվում են հողի մեջ տեղակայված վայրում ուշ գարնանը, միմյանցից 50-60 սմ հեռավորության վրա:
Նրանք գերադասում են օրգանական նյութերով հարուստ հողեր, ոչ թթվային, ոչ խոնավ: Գարնան վերջում՝ ամռանը, 30-40 օրվա ընթացքում մեկ անգամ, ոռոգման համար ջրի մեջ ավելացվում է բարդ հանքային պարարտանյութ` յուրաքանչյուր դույլի համար 20 գ քանակությամբ: Աճող սեզոնի ընթացքում փխրուն ծաղիկներով ծաղկի ցողունները հանվում են՝ նոր ծաղիկների ձևավորումը խթանելու համար և այդպիսով երկարացնելով ծաղկման շրջանը: Էխինացիայի համար իդեալական պայմաններ են բաց արևի տակ գտնվելը, հանդուրժում է թեթև և ոչ մշտական ստվերը: դիմացկուն է բարձր և ցածր օդի ջերմաստիճանի նկատմամբ: Հիմնականում տարածվում է սերմով, գարնանը ցանվում է ջերմոցներում կամ բաց գետնին: Սածիլները սովորաբար ծաղկում են 2-րդ տարում:
Քանի որ հատուկ վերաբերմունք ունեմ հատկապես ծաղկող բույսերի հանդեպ և տարիների հետազոտական փորձից պարզվել է , որ գոնե 60%ը պահպանվում են, եթե տեղափոխվում են սենյակային պայմաններ և բույսը անկախ իր կամքից դռնում է երկամյա, եռամյա, ունենք մինչև քառամյաի ստացված փորձ, որը չի բացառվում, որ կավելանա: Արդյունքներից ելնելով այս փորձը կիրառեցինք հյուսիսում, առավել ևս, որ ոչ մի նյութական ներդրում պետք չի, այլ ընդհակառակը շահավետ նախագիծ է՝ կարող ենք փարթամ պահպանված բույսերը դուրս բերել գարնանը այգի և արագ ձևավորել ունենալ ծաղկող ծաղկոցներ:
Աշխատանքների մասին պատմում է և տեսաֆիլմերով ներկայացնում է Անժելա Բլեյանը.
Հյուսիսային դպրոցում գտնվող դատարկ թաղարները համալրեցինք Սիենայի պուրակում գտնվող սենյակային բույսերով՝ փրկելով նրանց ձմռան մոտալուտ ցրտերից: Սովորողները տիկին Շողիկի օգնությամբ տեղափոխեցին բույսերը և սիրով աշխատեցին:
Արևելյան դպրոցի մի խումբ բնագետների առաջարկվեց մոտակա այգիներից հավաքել սերմեր և ջերմոց-լաբորատորիա տեղափոխել մի շարք բույսեր: Պատասխանը ավելի քան դրական էր՝ ոգևորիչ էր: Նրանց ուղեկցում էր Քոլեջի ուսանող Լիլիան: Նախ այգին խնամող՝ խանութի մսավաճառ Արմանին տեղեկացրեցինք այցի նպատակը՝ «Ապաստարան այգու բույսերին» նախագծի շրջանակներում, հետո անցանք գործի: Տեսանյութում կնակատեք մեր սովորողների ոչ միայն բուսասեր՝ այլ նաև կենդանասեր լինելը: Թե ինչքան հաճելի օգտակար ու արդյունավետ օր անցկացրեցինք՝ գնահատեք ինքներդ:
«Ապաստարան այգու բույսերին» նախագիծն իրականացվում է ամեն տարի: Այս անգամ շրջանակներն ընդլայնվեցին և թիրախային տարածք ընդունվեց հանրային այգիները: Համոզված լինելով, որ մեր ընտրած բույսերը պետք է որպես խոտան թափվեն, մի խումբ սովորողների հետ (Արևելյան դպրոցի ընտրությամբ գործունեության խումբ) Անդրանիկի արձանի դիմացի այգուց զգուշորեն հողից հանեցինք գացանիա տեսակի բույսերը, տեղավորեցինք արկղների մեջ: Սակայն այսքանով չսահմանափակվեցինք՝ հավաքեցինք թափված սերմերը: Շարունակությունն ավելի հետաքրքիր է՝ մի ձեռքով երեք ձմերուկ բռնեցիք, նկատելով նոր ծլած սածիլները՝ հողով հանեցինք ու այս ամենն անվնաս և զգույշ տեղափոխեցինք Քոլեջի ջերմոց-լաբորատորիա: Պարզ է, որ այսքանից հետո հարկավոր էր տնկել, տեղավորել և ցանել: Ում հետաքրքրեց այս եռակողմ նախագիծը, համեցեք, տեղում հիացեք:
Գարդենիա 