Պարզապես չեմ կարող չպատմել այս հաջողված նախագծի մասին: Առցանց պարապմունքը «Բույսերի բազմացումը սերմերով»+ «Սովորող սովորեցնող» նախագծի շնորհիվ շատ հաջող կայացավ: Մասնակիցները Հյուսիսային դպրոցի Անժելա Բլեյանի ընտրության խմբի սովորողներն են: Ամենաուշագրավը, պարապմունքից հետո, պարապմունքի վերարտադրումն է ֆիլմի տեսքով: Հաստատ գովեստի խոսքերի են արժանի Հենրիկի մայրիկը, մորաքույրը՝(օպերատոր) համբերատար ու կարևոր է սիրով իրենց ժամանակը տրամադրելու, իրենց երեխայի օրը հիշարժան ու բովանդակալից դարձնելու համար: Ասեմ, որ Հենրիկը մեծ պատասխանատվությամբ էր վարում դասը ու կարևորում իր օրվա պաշտոնը:😊 Պարապմունքը ձայնագրվել է Անժելա Բլեյանի կողմից:
Հիմա Հենրիկի պատումն ու նյութը.
Ուզում եմ հատուկ շնորհակալությունս հայտնել ընկեր Անժելային և տիկին Շողիկին , որ մեզ հնարավորություն տվեցին մեզ՝աշակերտներիս ,զգալ ուսուցչի դերում։Շատ պատասխանատու էր և պարտավորեցնող։Տիկին Շողիկը ինձ առանձին բացատրեց թեման, թվարկեց անհրաժեշտ պարագաները։Առանձին քննարկումից հետո մենք միացանք խմբին և սկսեցինք վարել դասը ։Տեսադասի ընտացքում ես ցույց տվեցի , թե ինչպես պետք է բազմացնել բույսը սերմերի միջոցով։Դիտարկեցինք երկու մեթոդ։Տեսադասի վերջում ունեցանք <<հարց ու պատասխան>> քննարկում:
Category Archives: Վարպետության դասեր
Այց ընտանեկան ջերմոց
Իր տրամաբանական շարունակությունը ունեցավ «Ուսումնական ջերմոց» նախագիծը: Լիլիթի հրավերքով, 2-2 դասարանի սովորողների հետ, այցելեցինք ընտանեկան ջերմոց: Շատ հավես էր ու նախանձելի: Երևում էր որ իրենց գործին գիտակ և գործը սիրող մարդիկ էին աշխատում: Սիրով նվիրեցին մի քանի ինձ հետ հետաքրքրող բույսերից կտրոններ, իսկ Արևելյան դպրոցի այգու ծաղկանոցների համար մոտ 30 բույս:
Ստորև Լիլիթի պատումն է ու տեսանյութը:
Մեր սիրելի սովորող Հարությունի մայրիկի հրավերով այսօր ուսումնական ճամփորդությամբ ուղևորվեցինք Գեղանիստ գյուղ: Ապշեցուցիչ գեղեցկություն էր. կարծես կանաչ դրախտ լիներ: Ընկեր Շողիկը ուսումնական պարապմունք անցկացրեց՝ պատմելով մեզ մի քանի ծաղկի մասին: Խոստացանք էլի հյուրընկալվել նրանց գրկաբաց եդեմում:
Սեմինար պարապմունք. երկարացված օրվա կազմակերպիչներ
Պարապմունքն անցավ շատ հետաքրքիր՝ նախ մասնակիցները ծանոթացան վարդի բազմացման «բուրիտո» եղանակի հետ, հետո Լուսինեն ցույց տվեց պատվաստման մի քանի եղանակ՝ կորիզով աճեցրաց լիմոնի ծառի օրինակով:
Փետրվարի 20. Երկարացված օրվա կազմակերպիչների հետ պարապմունքի ծրագիր
- Ծանոթացում Տրադեսկանցիա բույսի օգտակար հատկություններին.
Բազմացման, խնամքի և տարածման տեխնոլոգիական կարողությունների և հմտությունների հաղորդում պարապմունքի մասնակիցներին:
2. «Ծաղկաձոն» նախագծը միասին իրականացնելու առաջարկների քննարկումներ:
Վարպետության դաս՝ Միջին դպրոցի ջերմոցում
Պարապմունքը տեղի ունեցավ Միջին դպոցի ջերմոցին կից լսարանում, որը շարունակվեց տանիքի ջերմոցում: Սովորողները ծանոթացան լուսասեր և ստվերասեր բույսերին, ամենաօգտակար բույսի՝ քլորոֆիտումի և որոշ բույսերի խնամքի հետ: որոշվեց հաճախակի կազմակերպել նման հանդիպումներ:
Ուսումնական տեսանյութ. « Ինչպես բազմացնել բերքատու կիտրոն»
Տեղեկացնեմ և հիշեցնեմ, որ կորիզից աճեցրած կիտրոնի ծառը երբեք բերք չի տալիս՝ հարկավոր է անպայման պատվաստել, այդ մասին հետո: Այսօր ներկայացնենք կիտրոնի բազմացումը ճյուղից: Ճյուղը ընտրվում է անպայման բերքատու ծառից՝ այն կարղ է լինել 20 սմ-ից սկսած մինչև մոտ 05-մ: Իսկ թե ինչպես այդ անել, պարզ երևում է տեսանյութում: Միայն ավելացնեմ, որ արմատակալելու հավանականությունը մեծանում է, երբ ճյուղը դրվում է այլ բույսի թաղարի մեջ: Այս դեպքում նեխելու հավանականությունն է փոքրանում, քանի որ կենդանի բույսը խմելով ջուրը, հողի միկրոֆլորայում ապահովում է չափավոր խոնավություն, որը շատ կարևոր է նոր անարմատ բույսի համար: Դիտեք տեսաֆիլմը և ինքներդ աճեցրեք : Ստորև ներկայացնում եմ մի նյութի հղում, որը կօգնի կիտրոնի ծառի ճիշտ խնամք ապահովելուն.
Կիտրոնի մշակությունը
Արևելյան դպրոց. Երկրորդ դասարանի առաջին այցը ջերմոց-լաբորատորիա
Շատ հավես պարապունք ստացվեց այսօր: Երկրորդ դասարանի նոր դասվարը, Լիլիթը, իր սովորողների հետ առաջին անգամ էր այցելում ջերմոց-լաբորատորիա: Ոգևորված նոր մտքեր ու նոր ծրագրեր առաջ քաշվեցին ու հենց այդ պահից որոշվեց խմբի հետ իրականացնել «Կանաչ դեղատուն պատուհանագոգին»:
Ծանոթացան ամենաօգտակար և ամենավտանգավոր բույսերի հետ: Իրենց հետ տարան մի քանի օգտակար և բուժիչ բույսեր: Որոշվեց հանդիպել ամեն չորեքշաբթի:
Հարավային դպրոցի 5 տարեկանների այցը ջերմոց լաբորատորիա
Հոկտեմբերի 4-ին Հարավային դպրոցի 5տարեկանները Մոնիկա Տոնոյանի ուղեկցությաբ այցելեցին ջերմոց-լաբորատորիա: Տպավորությունների մասին պատմում և տեսանյութով հավաստում էՄոնիկան.
Նախ բոլոր սովորողները տեղավորվեցին էկո-զրուցարանում, խոսեցին այն մասին թե ինչու է զրուցարանը կոչվում էկո, որից հետո տիկին Շողիկը մեծ համբերատարությամբ և սիրով սովորողներին ներկայացրեց այնտեղի գտնվող բոլոր բույսերին, խոսեց նրանց օգտակար և վնասակար հատկությունների մասին: Ցուցադրեց թունավոր բուսատեսակ և ասաց, որ նրա տերևները շատ վտանգավոր ազդեցություն են ունենում մարդու առողջության վրա: Այդ բույսի անունն էր՝ Դիվենբախիա:
Երեխաները մեծ հետաքրքրասիրությամբ դիտում էին բույսերը և լսում նրանց մասին: Այնուհետև տիկին Շողիկի հետ միասին հավաքեցին բույսերի կտրոնները, հաշվեցին և տեղավորեցին պայուսակում: Ծանոթացան նաև այնտեղ գտնվող կենդանիներին: Հնարավորություն ունեցանք ծանոթանալու նաև դանդաղաշարժ կրիային, որն իդեպ այդքանել դանդաղաշարժ չէր, հակառակը լավ էլ արագաշարժ էր: Վերջում վառ տպավորություններով և բարձր տրամադրությամբ վերադարձանք հարավային դպրոց: