«Սեբաստացու օրեր, կրթահամալիրի տոն» նախագծի շրջանակում Քոլեջի Ջերմոց-լաբորատորիան ունի նոր առաջարկ կրթահամալիրի բոլոր օղակներին։ Առաջարկում ենք՝ որպես նվեր-փաթեթ, տարատարիք սովորողների խմբերով այցելել Ջերմոց-լաբորատորիա, Քոլեջի հարակից այգու տարածքում իրականացնել ծաղիկների, խոտաբույսերի խնամքի աշխատանքներ, ընտրել նվեր բույսեր։ Տեղում կատարելով նվեր բույսերի ընտրություն՝ ստեղծել նվեր-փաթեթն ու այն տանել համապատասխան օղակ։
Մասնակիցներ
Կրթահամալիրի տարատարիք սովորողներ, դասավանդողներ, ընտանեկան դպրոցներ, համայնքի բնակիչներ։
Ժամանակահատված
Սկիզբը՝ նոյեմբերի երրորդ շաբաթ (նոյեմբերի 15-18)
Ընթացքը՝ երկարաժամկետ
Նպատակ
- Քոլեջի այգու գեղեցիկ, ծաղկող և օգտակար, բուժիչ բույսերի տեղափոխում կրթահամալիրի բոլոր դպրոցներ
- Բույսերի խնամքի իրականացում ոչ միայն Ջերմոց-լաբորատորիայում, այլև կրթահամալիրի տարբեր օղակներում
- Մեծ թվով մեկամյա բույսերին երկամյա, նաև բազմամյա դարձնելու ուսումնահետազոտական փորձի ձեռքբերում
- Ջերմոց-լաբորատորիայի ձեռքբերած փորձի փոխանակում, կրրառում, զարգացում կրթահամալիրի տարբեր օղակներում
- Ջերմոց-լաբորատորիա — կրթահամալիրի դպրոցներ համագործակցային նախագծերի իրականացում, զարգացում։
Ակնկալվող արդյունք
- Շատ մեկամյա բույսեր կփրկվեն ցրտահարությունից
- Ձմռան ընթացքում միջանցքներում կունենանք գեղեցիկ ծաղկող բույսեր, թեյաբույսեր, որոնք կօգտագործվեն տարբեր հիվանդությունների բուժման նպատակով
- Վաղ գարնանը կիրականացնենք բավականին դիմացկուն դարձած բույսերի տեղափոխում դպրոցների հարակից այգիներ
- Գարնանը կունենանք ձևավորված ծաղկոցներ։
Նախագծի արդյունավետ ընթացքի դեպքում ակնկալում ենք ջերմոց-լաբորատորիաների նորամուտներ կրթահամալիրի տարբեր օղակներում։
Գարդենիա 