Փաթեթում առայժմ ներառված են երեք թեմաներ՝ բույսերի բազմացում
1. Կտրոնով
2. Սերմով
3. Հիդրոպոնիկան՝ որպես ուսումնական ջերմոց
Category Archives: Ուսումնական պարապմունքներ
Ճանաչում ենք կրթահամալիրը
րևելյան դպրոցի դասվար Լիլիթ Սահակյանը ճանաչողական այց էր կազմակերպել ջերմոց-լաբորատորիա.
Ճանաչում ենք կրթահամալիրը մեր հին նոր սեբաստացիների հետ։ Այսօր եղանք Քոլեջում, ծանոթացանք փոքրիկ սեբաստացիների հետ, այցելեցինք Ջերմոց-լաբորատորիա, ուսումնասիրեցինք տիկին Շողիկի՝ «Կտոր մը դրախտեն»-ը, նորածին գերմանամկներին, ձկներին, այլև շատ ճանաչողական զրույց-քննարկում ունեցանք բույսերի ու կենդանիների մասին։
Այց ջերմոց լաբորատորիա
Հերթական այցելություն ջերմոց լոաբորատորիա: Լուսինե Բարխուդարյանը երկարացված օրվա ճամբարականներին կրկին բերել էր ջերմոց լաբորատորիա: Նախ հավաքվեցին կենդանիների շուրջ բոլորը: Հետո ծանոթացան կտրոններ ստացման տեխնոլոգիաին, իսկ ամենավերջում իջանք նկուղ և ծանոթացան ցանված բույսերի հետ:
Ահա թե ինչպես է ներկայացնում այդ օրը Լուսիե Բարխուդարյանը.
Այսօր երկարացված օրվա ճամբարականներն այցելեցին կրթահամալիրի Ջերմոց- լաբորատորիա: Տիկին Շողիկը մեզ ծանոթացրեց բույսերի, տեղի փոքրիկ բնակիչների՝ գերմանամկան, ծովախոզուկի, կրիաների ու ձկների հետ.
Ծաղկատունկ
Ընտանեկան ջերմոցից բույսեր նվեր ստանալուց հետո, բնականաբար պետք է տնկեինք այգում: Ծաղկատունկը ավելի հետաքրքիր ստացվեց նրանով, որ այդ աշխատանքներին մասնակցեցին նաև վրացի հյուրերը և պարտիզապուրակային ուսանողն իր դստեր հետ:
Ահա թե ինչպես է ներկայացնում այդ օրը Լիլիթ Սահակյանը իր բլոգում.
Այսօր Արևելքում ծաղկատունկ էր վրացի ընկերների հետ: Տիկին Շողիկի բացօթյա պարապմունքի ընթացքում ծանոթացանք ծաղիկների տեսակներին, ծաղիկը թաղարից ճիշտ տեղափոխելու և տնկելու հմտություններին՝ տեղում կիրառելով դրանք: Տնկեցինք Արևելյան դպրոցի երկրորդ դասարանցի Ավագյան Հարութի ընտանեկան ջերմոցից նվեր ստացած ծաղիկները, ինչպես նաև չորրորդ և հինգերորդ դասարանի սովորողների աճեցրած սածիլները: Մեզ հետ ծաղկատունկին սիրով մասնակցող վրացի սովորողները տարբեր հարցեր ուղղեցին տիկին Շողիկին:Արևելյան բակ-պարտեզն այսքան ուսումնական դարձնելու համար շնորհակալություն ենք հայտնում բոլորին:
Այց ընտանեկան ջերմոց
Իր տրամաբանական շարունակությունը ունեցավ «Ուսումնական ջերմոց» նախագիծը: Լիլիթի հրավերքով, 2-2 դասարանի սովորողների հետ, այցելեցինք ընտանեկան ջերմոց: Շատ հավես էր ու նախանձելի: Երևում էր որ իրենց գործին գիտակ և գործը սիրող մարդիկ էին աշխատում: Սիրով նվիրեցին մի քանի ինձ հետ հետաքրքրող բույսերից կտրոններ, իսկ Արևելյան դպրոցի այգու ծաղկանոցների համար մոտ 30 բույս:
Ստորև Լիլիթի պատումն է ու տեսանյութը:
Մեր սիրելի սովորող Հարությունի մայրիկի հրավերով այսօր ուսումնական ճամփորդությամբ ուղևորվեցինք Գեղանիստ գյուղ: Ապշեցուցիչ գեղեցկություն էր. կարծես կանաչ դրախտ լիներ: Ընկեր Շողիկը ուսումնական պարապմունք անցկացրեց՝ պատմելով մեզ մի քանի ծաղկի մասին: Խոստացանք էլի հյուրընկալվել նրանց գրկաբաց եդեմում:
Արևելյանի սովորողները ուսումնական ջերմոցոցում
Դասվար Լիլիթ Սահակյանի նախաձեռնությամբ իրականացնում ենք ուսումնական ջերմոց նախագիծը, ըստ որի սովորողները պարբերաբար պետք է այցելեն ջերմոց լաբորատորիա, ակտիվորեն մասնակցեն գործնական աշխատանքներին և ձեռք բերված տեխնոլոգիական հմտություները կիրառեն Արևելյան դպրոցի այգին և շինության միջանցքները բույսերով ու ծաղիկներով համալրելուն:
Ստորև ներկայացնում եմ Լիլիթի պատումն ու տեսանյութը:
Այսօր ջերմոց-լաբորատորիայում սովորեցինք, թե ինչպես պետք է ծաղիկը փոքր թաղարից ճիշտ տեղափոխել մեծ թաղարի մեջ:
Սեմինար պարապմունք. երկարացված օրվա կազմակերպիչներ
Պարապմունքն անցավ շատ հետաքրքիր՝ նախ մասնակիցները ծանոթացան վարդի բազմացման «բուրիտո» եղանակի հետ, հետո Լուսինեն ցույց տվեց պատվաստման մի քանի եղանակ՝ կորիզով աճեցրաց լիմոնի ծառի օրինակով:
Զբոսաշրջության ուսանողները ջերմոց լաբորատորիայում
Այսօր զբոսաշրջության ուսանողաները առաջին անգամ եղան Քոլեջի ջերմոց-լաբարատորիայում: Գործունեության նպտարկը, դատարկ, կամ կիսադատարկ թաղարների համալրումն էր միանման բույսերով, որոնք որոշ ժամանակ անց կտեղափոխվեն Քոլեջի միջանցքներ: Ուսանողները անցան աշխատանքի եռանդով ու հավեսով: Ծանոթացան նաև կտրոնով բազմացման եղանակին՝ ինքնուրույն առանձնացնելով աբուտիլոն ծաղկող բույսի կտրոններ:
Գարդենիա 