Առաջարկ
Այս նախագիծը ավելի գործուն կդառնա, երբ սածիլների իրացման գործընթացում ակտիվ մասնակցություն ունենա սեբաստացիական ողջ համայնքը՝ թեﹶ կրթահամալիրի բոլոր դպրոցները, թեﹶ ծնողական համայնքը: Այն գործելու է որպես ուսումնաարտադրական նախագիծ:
Պետք է փորձել քաղաքապետարանի և թաղապետարանի պատկան մարմիններին,ավելի լուրջ վերաբերվել և հաշվի նստել փոքրիկ ուսումնաարտադրական այս կառույցի հետ և իրենց աջակցությունը առաջարկել իրացման գործընթացում՝ քաղաքի և թաղամասի որոշ տարածքների լանդշաֆտային դիզայնի ձևավորման համար, օգտագործելով կրթահամալիրի նրբաճաշակ բույսերն ու ծաղիկները, գնելով դրանք կրթահամալիրից:Նախատեսվում է վաճառքից գոյացած հասույթը փոխանցել Մխիթար սեբաստացի հիմնադրամին: Ուզում եմ նշել, որ գները կլինեն շուկայականից զգալի պակա: Այս տարի 80000 դրամի փոխանցվել է հիմնադրամին, շատ չի, բայց ցուցանիշ է:
Ունենք հետաքրքիր տեսականի:
Գացանիա
Գայլարդիա
Ռուդբեկիա գեղեցիկ ծաղկող դեղաբույս
Ռուկկոլի աղանդի համար օգտակար կաղամբազգի
Երեք գույնանի կարճ մեխակներ
Սև լոլիկ
ֆիզալիս
Կարմիր իպոմեա մագլցող՝կարմիրչ ծաղիկներով
Էխինացիա գեղեցիկ ծաղկող դեղաբույս
Զանգականման պղպեղ
գունավոր իպոմեաներ
Նախորդ տարվա փորձը ցույց տվեց, որ Քոլեջն ի վիճակի է ապահովել կրթահամալիրի բոլոր դպրոցներին ծաղկող բույսերի սածիլներ որոշակի քանակով՝ մոտ 2000 հատ: Ճիշտ է՝ ոչ բոլորը պահպանվեցին տարբեր պատճառներով, սակայն կանաչ միջավայրում տեղ-տեղ ստեղծվեցին գունեղ ծաղկոցներ: Այս տարի հարկավոր է սածիլների քանակությունը գոնե կրկնապատկել: Դրա համար ակնկալում եմ բոլորի աջակցությունը: Յուրաքանչյուրն իր գործառույթը պատասխանատվությամբ կատարելու դեպքում կունենանք դրախտային միջավայր՝ ինչպես Քոլեջում: Անելիք ունենք բոլորս՝ սկսած պահակից, այգեպանից սովորողից, ուսանողից, ցանկացած դասավանդողից…..Աշխատանքներ պետք է տարվեն բոլոր օղակներում ՝սեվորողին սերմանելով հոգատարություն, սեր, պատրաստակամություն օգնելու՝ թեկուզ ինչ որ բանզոհաբերելու հաշվին:
Աշխատանքները պետք է սկսվեն օր առաջ: Դա շատ կարևոր է ժամանակին ամեն ինչ հասցնելու համար, որ ապրիլի 24-ին ավանդույթ դարձած «Ծաղկոցներ»ի ստեղծման մեկնարկային աշխատանքները կարողանանք սկսել:
Նախագիծ
«Ծաղկող բույսերի սածիլանոց-տնկարան տանիքում»
Մասնակիցներ. Աշխատանքներին կմասնակցեն 5 տարեկանները, տարրական դպրոցի սովորողները երկարացված օրվա ճամբարականները, պարտիզապուրակայինի ուսանողները:
Նպատակ
1. Ունենալ կրթահամալիրի սեփական տնկարանը, որը կապահովի կրթահամալիրի բոլոր դպրոցներում ծաղկոցների ստեղծմանը
2. Մեդիակենտրոնի «Սեբաստացի մոլ»ում կազմակերպել սածիլների և նույն բույսերի սերմերի վաճառք, որոնց տեսականին կցուցադրվի կից տարածքում տեղադրված շարժական տաղավարում՝ «Տաղավար անիվների վրա»: Այդ տաղավարում կարող են ցուցադրվել այլ գործերից նմուշներ
3. Մասնակիցները կծանոթանան բույսերի բազմացման եղանակներից «Բույսի բազմացումը սերմերով»: Կծանոթանան սերմից մինչև սածիլի տեղափոխում բաց տարածք՝ ծաղկոցների ստեղծում: Ձեռք կբերեն սերմից սածիլ, սածիլից ծաղկոց բույս գործընթացի տեխնոլոգիական հմտություններն ու կարողությունները
Արդյունք
Արդյունքում.
1. Հետաքրքիր լուծումներով, գեղագիտական հաճույք պատճառող ծաղկոցներ
2. Փոքրիկ բիզնեսի կայացում և զարգացում
3. Գործնական աշխատանքում ձևավորված բանիմաց անհատ տեխնոլոգիական կարողություններով և հմտություններով՝ սերտորեն կապված սեփական հողին և բնությանը
4. Այս նախագծում ներառված յուրաքանչյուր անհատի մասնակցությունը էկոլոգիական հիմնախնդրի լուծմանը՝ շրջակա միջավայրի պահպանման և բարելավման միջոցով
Ձմեռային այգի+բուսաբուծության լաբորատորիա
Քանի որ Մխիթար Սեբաստացի կրթահամալիրի ջերմոց-լաբորատորիան հանգամանքների բերումով տեղափոխվեց նկուղային հարկ, հարկավոր է ներկայանալ նոր ֆորմատով՝ հաշվի առնելով նախկին ձեռքբերումները՝ նորովի ներկայացնելով դրանք: Ուրախությունով նշեմ, որ լաբորատորիան կարող է կատարել 2 ֆունկցիա՝ ձմեռային այգի+բուսաբուծության լաբորատորիա
Ձմեռային այգի
Նպատակ
1. Աշնան վերջում ներս բերված մեկամյա բույսերի ապաստարան՝ Ապաստարան այգու բույսերին
2. Օգտակար և բուժիչ դեղաբույսերի աճեցում թաղարների մեջ և դրանցից թարմ վիճակում թեյահամտեսության կազմակերպում (дегустация).
3. Քոլեջի այգուց հավաքված և չորացված նույն դեղաբույսերի թեյահամտեսություն:
5. Փոքրիկ զրուցարանի մշտական գործունեություն ամենատարբեր թեմաների քննարկումներով բնության գրկում
4. Ընթացքում տեղեկությունների մատուցում այդ բույսերի բուժից և օգտակար հատկությունների մասին: Դա կարող է լինել տպագրված՝ կից ներկայացված դրանց մասին նյութերի հղումները:
5. Ձմեռային այգում եղած բույսերի խնամք և բազմացում:
6. Փոքրիկ գազանանոցի ներկայություն՝ բնությունն ամբողջացնելու էմիտացիայով:
Արդյունք
1. Ապաստարան այգու բույսերին նախագիծն իրականացնելու արդյունքում գարնանը կապահովվի հասուն մեծ բույսերի տեղափոխում կրթահամալիրի այգիներ: Այս նախագիծը կոտրում է բույսի մեկամյա լինելու կարծրատիպը: Ցանկության դեպքում կարելի է նրանց ապրելու տարիներն ավելացնել՝ դարձնելով 2, 3 և ավելի, որի փորձն ունենք մենք և քանի տարի է նման հետազոտական աշխատանքներ են տարվում:
2. Կունենանք թարմ դեղաբույսեր ողջ տարվա ընթացքում:
3. Ցանկության դեպքում հյուրերին հնարավորություն կնձեռնվի ձեռք բերել այդ բույսերի սերմերից որպես նվեր:
4. Փոքրիկ լումա կներդրվի որոշակի հիվանդությունների դեպքում օգտվել բնական էկոդեղամիջոցներից:
Բուսաբուծության լաբորատորիա
Բուսաբուծության լաբորատորիան գործում է ամբողջ տարվա ընթացքում, առանց հանգստի օրերի, հնարավորություն տալով տարատարիք ցանկացած անհատի շփվել բույսերի և կենդանիների հետ տարվա բոլոր եղանակներին:
Նպատակը
1. Նախակրթարանի սաներից սկսած, ներառած երկարացված օրվա ռեժիմով սովորողներին, իրականացնել «Իմ թաղարը» նախագիծը, ըստ որի կրթահամալիրի բոլոր դպրոցների նախակրթարանի խմբասենյակներում և երկարացված ուսումնական օրվա ռեժիմով սովորողների խմբերում պետք է իրականացվի թաղարային բույսերի աճեցում և խնամք:
ա. Փոքր հասակից սերմանել սեր և հոգատարություն դեպի բույսը, դեպի շրջապատը:
բ. Նպաստել ինքնուրույն անհատի ձևավորմանը:
գ. Ունենալով սեփական՝ իր ձեռքերով պատրաստած թաղար՝ աճեցնել բույսը կտրոնից, հետևելով արմատակալման ընթացքին՝ այն տնկել իր անհատական թաղարի մեջ (հողով) և հետևել նրա աճմանը:
դ. Սովորեցնել բույսերի բազմացման և խնամքի տեխնոլոգիական հմտություններ և կարողություններ:
2. Բուսաբուծության լաբորատորիայի մշտական այցելուներից կլինեն տարրական դպրոցի սովորողները, որոնց հետ իրականացվելու է ամենատարբեր նախագծեր բույսերի բազմացման, խնամքի ու պահպանման վերաբերյալ:
Գարդենիա 