«Բնակավայրն առանց ճաղերի» նախաձեռնությանը ընդառաջ առաջարկված «Կանաչ ծաղկող ցանկապատ» նախագիծը մեկնարկեց: Ինչու ծաղկո՞ղ, որ ավելի ընդգծված արտահայտի բողոքի ակցիան և որ ավելի արագ հասնենք արդյունքի՝ գարնան վերջում, ապրիլ-մայիս ամիսներին արդեն, մետաղյա ճաղավանդակ չի երևա: Առաջին քայլերը արված են՝ Աժելա Բլեյանը պատանի բնագետների հետ այցելել է Քոլեջի ջերմոց-լաբորատորիա, իսկ օրվա մասին կպատմի Անժելա Բլեյանը.
5-րդ դասարանի սովորողների հետ այցելեցինք քոլեջի ջերմոց-լաբորատորիա, և սկսեցինք Կանաչ պատ նախագիծը իրականացնել: Սովորողների և տիկին Շողիկի հետ իպոմեա բույսի սերմեր ցանեցինք, որը կծառայի որպես կանաչ ծաղկող ցանկապատ: Տիկին Շողիկը սովորողներին տեղեկություն հաղորդեց բույսի աճեցման տեխնոլոգիայի մասին: