«Բույսերի ձմեռային տեսչություն» արձակուրդային շրջայց նախագիծը ունեցավ իր դրական հետևանքները և ստիպեց անել մի պարզ ու կարևոր հետևություն՝ բույսին հարկավոր է ամենօրյա խնամք և մեծ սեր: Ամենօրյա, որովհետև կրթահամալիրի տարբեր դպրոցներում ունենալով մեծ քանակությամբ և տարբեր մեծության թաղարներով բույսեր (նման դեպքերում հողը չորանում է տարբեր ժամանակներում) ուստի հարկավոր է ամեն օր հետևել ու ջրել միայն չորացած հողով բույսերը, հակառակ դեպքում՝ խոնավ հողը անընդհատ ջրելով կարելի է առաջացնել նեխման պրոցես, որը ուշ ջրելուց ավելի վտանգավոր է: Տիար Բլեյանի հետ քննարկելով այս նախագիծը եկանք այն եզրահանգման, որ տեսչության անդամները կցվեն 1-2 դպրոցների, ստեղծեն փոքրիկ բնասերների խումբ՝ երկարորյա խմբերից, քանի որ աշխատանքները պետք է տեղի ունենան դասերից հետո և միասին զբաղվեն բույսերի խնամքով և բազմացմաբ: